Vestlandsrådet og internasjonalt arbeid
Vestlandet er internasjonalt orientert. Verdiskapinga i Vest-Noreg er vesentleg for landet si valutainntening. Kulturelt og historisk er det tette band til nordiske granneland og til nærområda rundt Nordsjøen.
Regionane i Europa gjennomfører i aukande grad utviklingsoppgåver saman på tvers av landegrenser gjennom europeiske program. Vestlandsrådet er aktiv i dette arbeidet. Kvart av medlemsfylka har eit breitt internasjonalt engasjement og har eit samarbeid der dette er naturleg.
Ved å samordne engasjementet vil Vestlandet ha større tyngde i høve resten av Europa. Vestlandet vil også framstå som meir interessant samarbeidspartnar ved å stå samla. Særleg er det viktig å arbeide saman knytt til dei store felles utfordringane i Nordsjøområdet.
Vi vil:
- Styrke regionane si stilling innan EU samarbeidet
- Etablere tettare samarbeid i Norden
- Aktivt styrka den politisk deltakinga i internasjonale organisasjonar og stå samla i internasjonale fora
- Hevde Vestlandet sine interesser og påverke nasjonale styresmakter
- Andre saker innan internasjonal satsing
I tillegg til måla skissert i den nye plattforma for Vestlandsrådet, er det ønskjeleg at arbeidsgruppa for internasjonalt arbeid også speler ei viktig rolle som ein sentral møteplass for å presentere aktuelle problemstillingar knytt til internasjonalt arbeid på Vestlandet.
Det er etablert ei arbeidsgruppe med representantar frå kvar fylkesadministrasjon, som i dette vil vere internasjonalt / regionalvadelingane. Det er avgjerande at deltakarar sikrar best mogeleg forankring (politisk gjennom sektorvise planar i eigne fylkesting og i administrasjonen) og har høve til å gjere raske og sjølvstendige avgjersle.
Kontaktperson er Rosa Marie Skovli Øyrehagen, Sogn og Fjordane fylkeskommune, tlf 993 98 969, rosa.marie.skovli.oyrehagen@sfj.no
