Fylkesordførar Tom-Christer Nilsen i Hordaland tok over leiarfunksjonen i Vestlandsrådet etter nyttår. Han tar over etter fylkesordførar Janne Johnsen i Rogaland.
"Eg gler meg til å ta fatt i arbeidet, seier Tom-Christer Nilsen. Vestlandet er Noreg si fremste verdiskapingsregion. Skal vi fortsett skape verdiar for Vestlandet og for heile Noreg, må vi få rammevilkår både i form av god infrastruktur og konkurransedyktige tilhøve for næringslivet."
"Særleg viktig dette året blir å arbeide for å få ein ferjefri Kyststamveg E39. Dette er det viktigaste samferdselsprosjektet for Vestlandet og Hordaland, og vi må få sikra finansiering av denne i Nasjonal transportplan (NTP) for 2014-2023".
Leiarvervet i Vestlandsrådet går på rundgang mellom dei fire fylkeskommunane som er medlem av Vestlandsrådet. I 2013 tek Sogn og Fjordane over leiarveret.
For meir informasjon:
Tom-Christer Nilsen, leiar av Vestlandsrådet, tlf 55 23 90 11 / 924 50 196.